Avtomobil sanoati zamonaviy iqtisodiyotning eng yirik va muhim tarmoqlaridan biri hisoblanadi. Ushbu soha xalq xo‘jaligining deyarli barcha yo‘nalishlari bilan uzviy bog‘liq bo‘lib, transport tizimi orqali ishlab chiqarish, savdo, xizmat ko‘rsatish, logistika va ijtimoiy sohalarning samarali faoliyat yuritishini ta’minlaydi. Avtomobil sanoati taraqqiyoti mamlakat iqtisodiy salohiyatining ko‘rsatkichi bo‘lib, unda bandlik darajasi, texnologik yangilanish, eksport hajmi va innovatsiyalar darajasi mujassamdir. Bugungi kunda avtomobil sanoati nafaqat ishlab chiqarish hajmi, balki texnologik rivojlanish sur’ati bilan ham ajralib turadi.