Revmatoid artrit biriktiruvchi to'qimaning surunkali tizimli kasalligi bo'lib, aksar bo'g'imlarning eroziya va destruktiv poliartrit turi bo'yicha zararlanishi bilan kechadi. Patogenezda genetik moyillik, T va B-limfotsitlar faolligi disbalansi, immun javob boshqarilishining buzilishi, autoimmun komponentlar ishtiroki muhim rol o'ynaydi. Revmatoid artritning tashxis mezonlari simmetrik bo'g'im jarohati, revmatoid tugunchalar, RO aniqlanishi va o'ziga xos rentgen manzara asosida belgilanadi.