Эндометриоз МАВЗУ: Эндометриоз. РЕЖА: Ташхислаш.Таккослама ташхислаш ва тактикаси. Олиб бориш. Гинекологик ва акушерлик операциясидан сунгги аёлларни согломлаштириш.Таянч тушунчалар:Эндометриоз, Генитал (ички ва ташқи) эндометриоз, Экстрагенитал эндометриоз,Эндометриоз ташҳиси, Даволаш. РЕЖА АСОСИДА МАЪЛУМОТЛАР МАТНИ Эндометриоз – гормонга боғлиқ хатарсиз касаллик бўлиб, тузилиши ва функцияси бўйича эндометрийга ўхшаш тўқиманинг бачадон шиллиқ пардасидан ташқарида ўсиб кетиши билан характерланади. Эндометриоз репродуктив ёшдаги аёллар касаллиги, аммо ҳайз функцияси шаклланган қизларда ва ЎБГТ билан даволанаётган менопаузадаги аёлларда ҳам учраши мумкин. Эндометриоз барча аёлларнинг 7 – 10%-ида ва кичик чаноқ соҳасида оғриғи бўлган беморларнинг 70%-ида кузатилади. Классификацияси. Локализацияси бўйича қуйидаги турлари фарқ қилинади: 1. Генитал (ички ва ташқи) эндометриоз. 2. Экстрагенитал (сийдик пуфаги, ичак, буйрак, киндик, нервлар, операция чандиқлари ва бошқа аъзолардаги) эндометриоз. Ички генитал эндометриоз – эндометриод гетеротопияларинг бачадон танасининг мушак қаватида ўсишидир.