Xususan, karvon yo’llarining va umuman, savdo-sotiqning eng muhim elementlaridan bo’lgan karvonsaroylarning tuzilishini o’rganish xalqimizning boy meʼmorchilik tarixini o’rganishga ham katta hissa qo’shadi. Karvonsaroylar odatda, savdo markazlari bo’lgan shaharlarda va muhim karvon yo’llari bo’yida barpo etilgan bo’lib, ular tuzilishiga, hajmiga va ayrim hollarda bajaradigan funksiyasiga ko’ra ham bir-biridan farqlanadi.