Dunyodagi eng katta mamlakatlardan biri boʻlgan Hindistonning keng territoriyasiga joylashgan koʻp millionli hind xalqlari ommasi tarixda muhim rol oʻynadi. Reaksion burjua tarixchilari imperialistik davlatlarning Hindistonda olib borgan bosqinchilik va talonchilik siyosatini oqlash va tarixiy jihatdan asoslab berishga har taraflama urinib, yo Hindistonning tarixiy rolini xaspoʻshlashga, yoki faktlarni soxtalashtirib, bu mamlakatning taraqqiyoti qandaydir “ alohida ” tarixiy yoʻl bilan borganligi haqida afsona toʻqishga harakat qildilar.