BOLSHEVIKLARNING MUSTABIT TUZIMGA QARSHI ISTILOCHILIK HARAKATI. XALQQA QARSHI QARATILGAN «HARBIY KOMUNIZIM» SIYOSATI Reja: 1. Turkistonda sovet rejimiga qarshi qurolli harakat 2. Xiva xonligining tugatilishi. 3. Buxoro amirligining tugatilishi. 4. Harbiy komunizim siyosati 4. Xulosa. 5. Foydalanilgan adabiyotlar. Turkistonda sovet rejimiga qarshi qurolli harakat (1916—1943) — Oʻrta Osiyo xalqlarining bolsheviklar hukmronligi va bosqinchi qizil armiyaga qarshi olib borgan kurashi (1918—1943). Turkistonda sovet rejimiga qarshi qurolli harakatr- Oʻrta Osiyodagi milliy ozodlik harakati tarixida alohida bosqich boʻlib, kurash koʻlami va shiddati uning murakkab va ziddiyatli ekanligi bilan ajralib turadi. Turkiy xalqlarning milliy ozodlik harakatiga sabab iqtisodiy inqirozlar va xalqqa qarshi qonunlar edi. Turkistonda sovet rejimiga qarshi qurolli harakatlarning 1davri, dastlabki qurolli guruxdarning tashkil topishi Kichik Ergash va Katta Ergashning nomlari bilan uzviy bogʻliqdir. Turkiston muxtoriyati hukumati qoʻshiniga boshchilik qilgan Kichik Ergash. 1918-yil 19— 21-fevralda Qoʻqon shahrida boʻlgan urush natijasida magʻlubiyatga uchrab, Qoʻqon uyezdidagi Bachqir qishlogʻiga chekindi.