Bir qarashda B.Franklinga taʼrif berishga xojat ham yoʻqdek — uning suratini dunyoning eng chekka joylarida ham uchratish mumkin: u AQSHning 100 dollarlik pulida tasvirlangan. Maʼlumki, pulga millatning faxri boʻlgan shaxslar va obyektlar rasmi tushiriladi. Xususan, AQSH banknotlarida Amerika mustaqilligi uchun urushning bosh qoʻmondoni, Amerika Qoʻshma Shtatlari asoschilaridan biri va uning birinchi Prezidenti Jorj Vashington, AQSHdagi fuqarolar urushi qaxramoni, oʻn sakkizinchi Prezident Uillis Grant kabi arboblar rasmi tushirilgan. Franklin esa Prezident boʻlgan emas. Shunga qaramay, bu mamlakatda u "Amerikaning birinchi fuqarosi", "AQSH millatining otasi", "Ovrupo bilan Amerika "meniki" deb talashadigan arbob" deya sharaflanadi (soʻnggi taʼrif mashxur fransuz davlat arbobi Miraboga tegishli), Amerikaliklarning ana shu tuygʻusi 100 dollarlik pulda aks etgan.