Ринит– бу бурун шиллиқ қаватининг яллиғланиши бўлиб, субьектив равишда: бурун йўлларида ёпилиш ҳисси, бурун орқали нафас олиш қийинлашиши, аксириш, бурундан суюқлик келиши билан кечади. Обьектив текширганда сувсимон ёки шиллиқ, шиллиқ-йирингли, қон аралаш ажралма кўринади. Бурун шиллиқ қавати шишган, гиперимияланган, гоҳида пўстлоқ билан қопланган, гоҳида эса фибриноз қарашлар бўлиши мумкин.