Doğuma qədərki dövr ərzində döl ən steril mühit olan amnion kisəsində yaşayır. Doğuşdan sonrakı dövrdə isə ana, yaxın əlaqələr və ətraf mühitlə geniş təmas nəticəsində yenidoğulmuş bakteriya, göbələk və virusla yoluxur. İllər keçdikcə dəri səthində, burun və ağız boşluqlarında, bağırsaqlarda və sidik-cinsi yollarda mikrobiota və ya normal flora formalaşır. İnsan Mikrobioma Layihəsi sağlam insanların bədən səthində və orqanizmi daxilində yaşayan mikrobları öyrənməyi hədəfləyən 5 illik çoxmillətli bir çalışma idi. Layihəyə 2007-ci ildə sağlam könüllü insanlardan burun, ağız, dəri, bağırsaq və vagina nümunələri toplamaqla start verildi. Mikroblar 16S r-RNT geninin sekvenləşdirməsilə identifikasiya olunurdu. Analizlər müxtəlif bədən nahiyələrində, həmçinin fərdi olaraq insanlarda mikroorqanizmlərin növ variasiyasını müzakirə etməkdə işləyirdi.