Insonning jismoniy ish bajarish qobiliyatini o’rganish uchun bir qator testlardan foydalaniladi, ular bevosita mushak ishi sharoitida butun bir organizmning yoki ma’lum tizimlarining holatini namoyon qilib beradi. Organizmning jismoniy ish bajarish qobiliyatini funktsional sinamalar yordamida aniqlash usullari orasida PWC170sinamasi keng tarqalgan, bu sinama jismoniy mashq va sport qo’mitasi tomonidan tavsiya etilgan. PWC170sinamasi organizmning jismoniy ish bajarish qobiliyati yurak qisqarishlar soni daqiqasiga 170 ta bo’lgan holatda aniqlanadi. Ko’p marotaba tekshirishlarda yurak qisqarishlarining bunday chastotasi jismoniy ish bajarish qobiliyatini aniqlash uchun optimal hisoblanadi. Bundan tashqari bajarilayotgan mushak ishining quvvati va yurak qisqarishlar chastotasi o’rtasida to’g’ri proportsionallik mavjud (bu bog’liqlik puls soni daqiqaiga 100-170 ta bo’lganda saqlanib qoladi).