Bronxial astma (BA) nafas yo`llarining surunkali yallig`lanish kasalligi bo`lib, bunda turli xildagi xujayralar, jumladan semiz xujayralar va eozinofillar ishtirok etadi. Moyilligi bo’lgan individuumlarda bu yallig`lanish nafas yo`llarining tarqalgan, lekin doimiy bo’lmagan obstruksiyasi bilan bog`liq bo`lgan simptomlar rivojlanishini keltirib chiqaradi. Bronxlar obstruksiyasi ko’pincha spontan yoki davo natijasida qaytar bo’lib, nafas yo`llarining turli tashqi ta'sirlarga sezuvchanligining oshishi bilan kechadi.