ASEPTİKA - müalicə və diaqnostika tədbirləri zamanı xəstənin yarasına, orqan boşluqlarına mikroorqanizmlərin düşməsinin qarşısının alınması üçün həyata keçirilən profilaktika tədbirlər sistemi. Aseptikanın prinsipinə görə, yaraya toxunan hər hansı şeydə mikroorqanizmlər olmamalıdır. Aseptika müalicə-profilaktika müəssisələrində həyata keçirilən xüsusi sanitariya-gigiyena və təşkilati tədbirlər kompleksidir. Steril mühit üçün yara ilə bilavasitə təmasda olan alət və cihazların sterilizizasiya edilməsi mütləqdir.