Аритмияга қарши дори воситалари юрак қисқаришлари ритмининг турли бузилишларини (экстрасистолия, тахиаритмия ва б.) даволаш учун қўлланилади. Бўлмачалар ва қоринчалар аритмиясида, шунингдек аритмиянинг барча турларида самарадор дори воситалари фарқланади. Юрак блокадасида қўлланиладиган дори воситалари (м-холиноблокаторлар — атропин, β1, β2 - адреномиметиклар — изадрин) алоҳида кўриб чиқилади. Аритмияга қарши дори воситаларнинг классификацияси. Кардиомиоцитлар ион каналларини бевосита блокловчи воситалар: Натрий каналлари блокаторлари (IA, IB, IC гуруҳлари). L-типи Са++ каналларини блокловчи воситалар (IV гуруҳ).