Ushbu o‘quv dastur umumiy o‘rta ta’lim maktablarida tasviriy san’at fanini o‘qitishning Davlat ta’lim standarti asosida o‘qitishning mazmun-mohiyatini, maqsad va vazifalarini yoritib beradi. Umumiy o‘rta ta’lim muassasalarida tasviriy san’at o‘quv fanini o‘qitishning asosiy maqsadi: o‘quvchilarda tasviriy savodxonlikni rivojlantirish, badiiy tafakkurni yuksaltirish, estetik va emotsional sezgirlikni o‘stirish orqali ijtimoiy hayotda zarur bo‘lgan bilimlarni egallash, ulardan kundalik hayotida foydalanishga o‘rgatishdan iborat.