Kushonlar imperiyasining inqirozidan so‘ng, Hindistonda hokimiyatni egallagan Chandragupta I (320–340) guptalar sulolasiga asos soladi. Guptalar davlatining poytaxti Pataliðutra shahri bo‘lgan. IV asrning so‘ngida – guptalar imperiyasi gullab-yashnaydi. Ayni shu paytdan boshlab Hindistonda yer egaligi munosabatlari vujudga keladi. Hukmdorlar o‘z yaqinlari – amaldorlari, harbiy boshliqlariga yer-mulklar in’om etganlar. Natijada, yirik yer egalari tabaqasi shakllanadi. Ular dehqonlarning soliqlar to‘lashidan tashqari, mehnat majburiyatlarini o‘tashini ham joriy etadilar. Ilk o‘rta asrlarda mamlakat aholisining kasta-varna (toifa)larga bo‘linishi: braxmanlar, kshatriylar, vayshilar va shudralar saqlanib qoladi.