Miloddan avvalgi III ming yillikda tog' oldi hududlarda, miloddan avvalgi Il ming yillikda Osiyo va Yevropaning deyarli barcha hududlarida bronzadan tayyorlangan buyumlar tarqaldi. Bronzaning kashf etilishi natijasida sifat jihatidan takomillashgan mehnat qurollarini yasash imkoniyati paydo bo'ldi. Bronzaning tarkibi mis va qalay qotishmasidan iborat bo'lgan. Eng yaxshi bronzaning tarkibida 90% mis va 10% qalay bo'lgan. U dastlab, miloddan avvalgi III ming yillik oxirlarida Ikki daryo oralig'ida kashf etilgan.