Xalqimizning ma’naviy merosiga ulkan hissa qo‘shgan atoqli shoir, tarixnavis olim, mohir tarjimon, davlat va siyosat arbobi Muhammadrizo Erniyozbek o‘g‘li Ogahiyning 1809 yilning 17 dekabrida Xiva shahri yaqinidagi Qiyot qishlog‘ida, mirob oilasida dunyoga kelgan. Ogahiyning uyi Ko‘hna Arkdan taxminan 5–6 chaqirim masofada, Qiyot qishlog‘ining Xiva–Qo‘shko‘pir yo‘lining chap tarafida. Shu kunlarda, shoirning “uy-muzeyi” joylashgan bu hovli “Ogahiy bog‘i” deb ataladi.