Uglevodlar – monosaxaridlar, disaxaridlar va polisaxaridlar kabi shakllarda uchraydigan organik birikmalar. Monosaxaridlar molekulasida uglerod atomlari soniga qarab turli turlarga bo‘linadi (tetroz, pentoz, geksoz, gepsoz). Masalan, glyukoza va fruktoza keng tarqalgan monosaxaridlardir. Disaxaridlar – ikki monosaxarid molekulalarining birikmasidan tashkil topgan qandlar bo‘lib, ular gidroliz jarayonida oddiy monosaxaridlarga ajraladi. Saxaroza o‘simliklarda keng tarqalgan va inson ovqatlanishida muhim ahamiyatga ega.