Natriy va kaliy tabiatda keng tarqalgan bo‘lib, faqat birik-malari shaklida ko‘plab tog‘ jinslari va minerallar tarkibiga kiradi. Natriy xlorid (osh tuzi) ko‘l, dengiz va okean suvlarida, ayrim joylarda esa toshtuz shaklida yer ostida 100 m qalinlikkacha bo‘lgan qatlamlarni tashkil qilgan holda uchraydi. Dengiz tuzi Glauber tuzi Na2SO4. 10H2O va Chili selitrasi NaNO3 ham natriyning tabiatda ko‘p uchraydigan birikmalaridir. Silvinit KCl . NaCl, hind selitrasi KNO3 karnallit KCl . MgCl2 . 6H2O minerallari tarkibiga kaliy ham kiradi va ular tabiatda uchraydi.