Alangali fotometriya - bu atom emission asosida ishlovchi analitik tahlil usuli bo‘lib, modda tarkibidagi elementlarni yuqori sezgirlik bilan aniqlashga imkon beradi. Eritma purkagich yordamida gaz gorelkasining alangasiga uzluksiz purkalanadi, yuqori temperatura ta’sirida atomlar qo‘zg‘alib, xarakterli spektral nur chiqaradi. Monoxromator yordamida elementga xos to‘lqin uzunlikli nurlar ajratilib, ularning intensivligi o‘lchanadi. Bu metod tez va ekspress bo‘lib, hozirgi kunda 50 dan ortiq elementni aniqlash mumkin, sezgirligi yuqori va maxsus usullar bilan interferentsiya ta’siri kamaytiriladi.