“Iqtisodiy ta’limotlar tarixi” fani iqtisodiy jarayonlarga bo’lgan iqtisodiy qarashlar evolyustiyasi, iqtisodiy g’oya va nazariyalarning tarixiy shakllanishi va rivojlanishini o‘rganadi. Bu fan iqtisodchi mutaxassislarni tayyorlashda muhim bo‘lib, iqtisodiy ta’limotlarning ijtimoiy taraqqiyotga ta’siri, tarixiy davrlar davomida g‘oyalar va nazariyalar almashinuvining tahlilini beradi. Fanning metodologiyasi tarixiy, induktiv, dialektik va mantiqiy uslublarga asoslanadi. U iqtisodiyot nazariyasi bilan chambarchas bog‘liq bo‘lib, iqtisodiy fikrlarning evolyutsiyasini chuqur tahlil etishga yordam beradi hamda iqtisodiy tafakkur va tadqiqotlarda qo‘llaniladi.