Davlat xizmati - o‘mmaviy manfaatlarni ko‘zlab davlat lavozimlarida amalga oshiriladigan O‘zbekiston Respublikasi fuqarolarining haq to‘lanadigan professional faoliyati hisoblanadi. Davlat xizmati tashkil etish va o‘tashning huquqiy asoslari bo‘lib O‘zbekiston Respublikasining Konstitutsiyasi, qonunlar va boshqa qonunosti hujjatlari hisoblanadi. Ta’kidlash kerakki, yangi tahrirda qabul qilingan Asosiy Qonunimizda ilk marotaba davlat xizmatining huquqiy asoslari mustahkamlab qo‘yildi.