Доривор иссоп – Hyssopus officinalis L. ўсимлиги – лабгулдошлар оиласига мансуб, кўп йиллик, 20-90 см бўйида ўсадиган чала бута. Барглари ланцентсимон ёки чизиқсимон, июл-сентябр ойлари гуллайди. Гуллари сиёҳ ва пушти рангда, бошоқсимон шаклга эга, уруғлари августда етилади. Эфир мойи таркибида а ва b пинянлар, пинокамфон ва бошқа кимёвий моддалар бор. Эфир мойи фармацевтика саноатида суртмалар ва ҳидни яхшилаш учун ишлатилади, антисептик хусусиятларга эга. Ўсимлик доривор хусусиятлари ва етиштириш агротехникаси технологияси Ўзбекистонда фармацевтика ва парфюмерия саноатини доривор ўсимликлар хом ашёси билан таъминлашда муҳим аҳамиятга эга.