So‘zning leksik ma‘nosi – so‘zning material qismi – leksema bildiradigan ma‘no; muayyan tovushlar majmuini ma‘lum obyektiv voqelikka bog‘lash bilan kishi ongida yuzaga keladigan mazmun mundarija; lug‘aviy ma‘no. Mas, „Bolalarni o‘ynatdik“ gapidagi birinchi so‘z hali yosh, voyaga yetmagan odamni, go‘dakni, ikkinchi so‘z esa harakatni (bola bilan bog‘langan harakatni) biddiradi. Demak, „bola“ va „o‘yna“ so‘zlaridan ifodalanadigan mazkur konkret ma‘nolar shu so‘zlarning leksik ma‘nolaridir. So‘zning leksik ma‘nosi muayyan so‘zning aniq mazmunini (narsa, belgi, harakat tushunchalarini ifodalash, emotsiyalarni bildirish) tashkil etadi.