Психика – бу олий тирик материяга хос бўлган хусусият бўлиб, субъект томонидан объектив борлиқни фаол акс эттириш ва шу асосида хулқ-атвор ҳамда фаолиятни идора этиш билан боғлиқ. Профессор М.Г.Давлетшин фикрича, психика деганда – олий даражадаги материянинг (миянинг) хусусияти тушунилиб, у объектив борлиқни акс эттирилишида намоён бўлади, субъект фаолиятини маълум мақсад асосида йўналтиради ҳамда хулқ-атвор негизида шаклланади.