Monografiyada maktabgacha tarbiya yoshdagi bolalarda emotsional rivojlanish jarayonining psixologik omillari tadqiq etiladi. Mavzuning dolzarligi bolaning shaxsiy va ijtimoiy rivojlanishida emotsiyalarning ahamiyati, shuningdek, maktabgacha yoshda shakllanadigan emotsional ko‘nikmalarning keyingi yosh davrlarida ijtimoiy-moslashuvchanlik va psixologik barqarorlikka ta’siri bilan bog‘liq. Monografiyada empirik tadqiqot natijalari asosida bolalarning emotsiyalarni anglash, ularni boshqarish va turli vaziyatlarda o‘zini tutish qobiliyatlari tahlil qilinadi. Shuningdek, bolalarda ijobiy emotsiyalarni shakllantirish va salbiy emotsiyalarni boshqarish uchun psixologik-diagnostik va korreksiyaviy vositalar taklif etiladi. Ushbu monografiya maktabgacha ta’lim tashkilotlari pedagoglari, psixologlar va tadqiqotchilar uchun amaliy qo‘llanma bo‘lib xizmat qiladi.