Zamonaviy ta’lim tizimi shunchaki bilim berish bilan cheklanmaydi, balki o‘quvchining fikrlashini, mustaqil izlanishini, muammolarni hal qilish ko‘nikmasini va ijodkorligini rivojlantirishni maqsad qiladi. Shu nuqtai nazardan tadqiqiy pedagogika (research-based pedagogy) alohida ahamiyat kasb etadi. Tadqiqiy pedagogika – bu ta’lim jarayonini ilmiy asosda tashkil etish, o‘quvchini faol izlanishga undash va o‘qituvchining o‘z faoliyatini ham ilmiy tahlil asosida takomillashtirishga yo‘naltirilgan pedagogik yondashuvdir. Bugungi globallashuv davrida ta’lim sifati mamlakat taraqqiyotining muhim omiliga aylangan. Shuning uchun ta’lim amaliyoti ilmiy tadqiqotlar bilan uyg‘unlashgan holda olib borilishi zarur.