Oʻzbek tilida qoʻshma gaplarning bogʻlangan bogʻlovchisiz va ergashgan qoʻshma gaplar kabi tulari farqlanadi. Ergash gaplar ham, xuddi sodda gaplar kabi, nisbiy tugal fikr bildiradi, oʻzida predikativlikni koʻrsatadi va maxsus ohangga ega bo’ladi. Ergash gap eng muhim sintaktik kategoriya sifatida , bosh gapdagi biror bo’lakni yoki butun bir bosh gapni izohlaydi, mazmunni to’ldiradi va shu orqali bosh gapga biror tomondan aniqlik kiritadi. Ayniqsa, biz bilamizki, odam borki,…tarzida bosh gaplarda struktura uchun juda zarur bo’lgan, lekin uslub tomonidan uni ifodalashga u qadar ehtiyoj sezilmagan bo’laklar tushib qolgan bo’lib, natijada to’liqsiz shakllangan konstuksiyalar vujudga keladi. Bu vaqtda oʻsha tushib qolgan boʻlak oʻrnida ergash gapdan foydalaniladi, shu bilan gap mazmuni toʻladi: Masalan, Biz bilamizki, baxt mehnat bilan topiladi. Odam borki, qolur undan yaxshi ot. Shunday qilib, fikrni ifodalashning parallel shakllari yuzaga keladi. Bular mantiqiy tomondan bir-biridan farq qilmaydi. Ergash gapdan, dastavval, bosh gapdagi ana shu «kemtik» oʻrnni toʻldirish, fikrni aniqroq, ochiqroq berish maqsadida foydalaniladi.