Psixologiya fanining shakllanishi va rivojlanishida metodologiya masalasi doimo asosiy o‘rin egallab kelgan. Har qanday fan nazariy bilimlarni amaliy tajriba bilan bog‘lagan holda ilmiy xulosalarga erishadi. Eksperimental psixologiya insonning murakkab ichki dunyosini o‘rganar ekan, uni o‘ziga xos ilmiy metodlar yordamida tadqiq qiladi. Eksperimental psixologiya XIX asr oxirlarida mustaqil yo‘nalish sifatida shakllandi, V. Vundt tomonidan tashkil etilgan birinchi psixologik laboratoriya insonning psixik jarayonlarini ilmiy tajriba asosida tekshirish imkoniyatini berdi.