Nasos aniq ishlangani uchun mexanik FIK yuqori bo‘ladi. Silindrlari umumiy blokka birlashtirilgan ko‘p silindrli nasoslar rotorli-porshenli nasoslar deyiladi. Porshenni harakatga keltirish usuliga qarab aylanuvshi va qo‘- zg‘almas blokli-rotorli-porshenli mashinalar mavjud. Silindrlar blok o‘qiga nisbatan radial yoki aksial joylashishi mumkin. Agar blokda silindrlar radial joylashgan bo‘lsa - bu nasoslar radial-porshenli deyiladi. Gidromashina blokiga silindrlar aksial joylashgan bo‘lsa - aksial - porshenli nasoslar bo'ladi. Ko‘pchilik rotorli - porshenli mashinalaming xarakterli tomoni shundaki, ularda so‘ruvchi va uzatuvchi klapanlar yo‘q. Bu xususiyat nasoslardan aylanishlar sonining yuqori qiymatlarida foydalanish imkoniyatini beradi.