O’zbekiston Respublikasida ta’lim sohasini isloh qilish va zamonaviy talablar asosida yangilash masalasi davlat siyosatining ustuvor yo’nalishlaridan biriga aylangan. 2020-yilda yangi tahrirda qabul qilingan "Ta’lim to’g’risida"gi Qonunga asosan, ta’lim muassasalari o’qituvchi kadrlarini kasbiy jihatdan yetuk va pedagogik mahoratga ega bo’lgan mutaxassislar sifatida tayyorlashga mas’uldirlar. Ushbu talabni bajarish esa bevosita pedagogik amaliyotni to’g’ri tashkil etish bilan bog’liqdir.