Reja: 1. Matematika o’qitishning darsdan tashqari shakllari 2. O’quvchilarning uy ishlari 3. Darsdan tashqari vaqtlarda o’quvchilar bilan o’tkaziladigan individual va guruh mashg’ulotlari 4. Matematikadan sinfdan tashqari ishlar: a) sinfdan tashqari mashg’ulotlarning o’ziga xos xususiyatlari b) matematikadan sinfdan tashqari ish shakllari c) matematik o’n minutliklar d) matematik to’garaklar g) matematik olimpiadalar e) matematik matbuot j) matematik burchak k) matematik ekskursiyalar l) qiziqarli matematik soatlar Boshlang’ich sinflarda fakultativ mashg’ulotlarni uyushtirish metodikasi: fakultativ mashg’ulotlar boshlang’ich sinf o’quvchilarini tarbiyalashda, ularga kasb hunar tanlashga oid bilim berishda yuqori natijalar beradi. Ayniqsa iqtidorli o’quvchilarda fanga qiziqishi, dunyoqarashi, zehni namoyon bo’ladi. Boshqa fanlar qatori matematikadan fakultativ mashg’ulotlarda birinchi navbatda matematikaga qiziqishi va iqtidori kuchli o’quvchilar aniqlanadi. Fakultativ mashg’ulotlar darslardagi o’quv materiallarini takrorlamaydigan, lekin mustahkamlashga xizmat qiladigan murakkab ko’rinishdagi o’quv materiallar o’rganiladi. Matematikadan fakultativ mashg’ulotlarda o`quvchilarning matematik tafakkuri, fikrlash qobilyati rivojlanadi.