O’zbekiston Respublikasida milliy ta’lim tizimini tubdan isloh qilish va yangilash sharoitida yosh avlodni axloqiy jihatdan tarbiyalash masalasi davlat siyosatining ustuvor yo’nalishlaridan biriga aylandi. Mamlakatimizda ta’limga oid qabul qilingan qator qonunlar, Davlat dasturlari va Konsepsiyalar asosan barkamol shaxsni shakllantirish maqsadini ilgari suradi. Bu jarayonda faqat zamonaviy ilm-fanning yutuqlarigagina emas, balki buyuk ajdodlarimizning ulkan pedagogik merosiga ham tayanish g’oyat muhim hisoblanadi.