Tadqiqot ishida o‘zbek tilida og‘zaki nutqda keng qo‘llanilayotgan o‘zlashma so‘zlarning ma’no qirralari va ma’noviy siljishlari tahlil qilingan. Ishda o‘zlashma so‘zlar va o‘zlashma neologizmlarning morfologik tuzilishi, ularning tilimizda paydo bo‘lishi va qo‘llanilishi, shuningdek, semantik va kalka tarjima shaklidagi o‘zlashma so‘zlar o‘rganilgan. Tadqiqot metodologiyasi sifatida lingvopoetik, uslubiy va qiyosiy tahlil usullari qo‘llanilgan.