СУВ. СУВНИНГ КИМЁВИЙ ТАРКИБИ. Сув Н2О-одатдаги ва ғайри оддий модда. Таниқли совет олими академик И.В.Петрянов ўзининг сув ҳақидаги илмий-оммабоп китобини «Дунёдаги энг ажойиб модда» (М.; Педагогика, 1981) деб атади. Биология фанлари доктори Б.Ф.Сергеев ёзган «Кизиқарли физиология» (М.; Мол.гвардия, 1979) китоби эса сув хақидаги «Сайёрамизни яратган модда» деб номланган бобдан бошланади. Олимлар мутлақо ҳақдирлар: Ерда биз учун одатдаги сувдан муҳимроқ модда йўқ шу билан бирга хоссаларида сувнинг хоссаларидаги каби шунча кўп қарама-қаршиликлар ва аномалиялар бор бирорта бошқа модда мавжуд эмас. Сайёрамиз юзасининг деярли 3/4 қисмини океан ва денгизлар эгаллаган. қуруқликнинг 20 % қисми қаттиқ сув-қop ва муз билан қопланган. Сайёранинг иқлими сувга боғлиқ. Геофизиклар фикрига кўра, агар сув бўлмаганида Ер аллақачон совиб, жонсиз, ҳаётсиз бир булак тошга айланиб қолган бўлур эди. Сувнинг иссиқлик сиғими жуда катта. У исиганида иссиқликни ютади, совиганда уни қайтаради. Ердаги сув жуда кўп иссиқликни ҳам ютади, ҳам қайтаради ва бу билан иқлимни «текислаб» туради. Ерни космик совуқлардан ҳам сувнинг молекулалари сақлайди; улар атмосфера -булутларда сув буғлари ҳолида тарқалган бўлади...