Qotishmalar metallarda boshqa metallar, metallmaslar, murakkab moddalar erishidan hosil bo‘lgan eritmalardir. Ular qattiq va yumshoq, qiyin va oson suyuqlanuvchi, ishqor va kislotalar ta’siriga chidamli turlarga bo‘linadi. Qotishmalar kristall tuzilishga ega bo‘ladi va ularning xossalari tuzilishlariga bog‘liqdir. Gomogen qotishmalar atom radiuslari o‘lchamlari yaqin metallar orasida hosil bo‘lgan; kristall panjara tugunlarida atomlari almashib joylasha oladigan qotishmalar hisoblanadi. Geterogen qotishmalar esa atom radiuslari o‘lchamlari keskin farqlanuvchi metallar orasida hosil bo‘lgan qotishmalar hisoblanadi. Intermetall qotishmalar, elektrmanfiylik qiymatlari bir-biridan keskin farqlanuvchi metallardan hosil bo‘lgan qotishmalardan iboratdir.