Azotli organik birikmalar, molekulasida azot atomi bor bo‘lgan organik moddalarga aytiladi. Nitrobirikmalar, to‘yingan yoki aromatik uglevodorod molekulasidan bitta yoki bir nechta vodorod atomini nitroguruh (NO2) bilan almashinishidan hosil bo‘lgan organik birikmalar. Ratsional nomenklatura bo‘yicha nitrobirikmalarni nomlaganda tegishli uglevodorod nomiga „nitro“ so‘zi qo‘shib aytiladi. Nitrobirikmalar quyi molekulyar gomologlari qo‘lansa hidli, rangsiz suyuqlik, efirda eriydi, spirt bilan yaxshi aralashadi. Kimyoviy xossalari turlicha bo‘lib, asosan, ularning molekulasidagi nitrogruppaga bog‘liqdir. Nitrobirikmalar qaytarilganda birlamchi aminlar hosil bo‘ladi. Aromatik aminlar, mos ravishdagi aromatik nitrobirikmalarni qaytarish yo‘li bilan olinadi.