Ҳозирги кунда экинлардан олинадиган ҳосилнинг қариб ярми (баъзи ҳолларда 60 - 70%) минерал ўғитлар ҳисобига олинади. Аскарият экинларда ўғит қўллаш билан боғлиқ 1 сўмлик сарф - харажат 2 - 3 сўм бўлиб ҳосил билан қайтади, ғўзани ўғитлашда эса бу кўрсаткич 8 - 9 сўмни ташкил этади. Ўғитлардан олинадиган иқтисодий самара тупроқ - иқлим шароитлари, ўғитларни меъёри, муддати ва юксак агротехника тадбирлари асосида қўллаш билан узвий боғлиқ. 1980 йилда дунё бўйича 111,7 млн. т минерал ўғит ишлатилган бўлса, XXI асрнинг бошларига келиб, халқаро амалий тизимли таҳлил институти ҳисоби бўйича 287 млн. т, БМТ қошидаги Саноат тараққиёти ташкилоти маълумоти бўйича 307 млн. т минерал ўғит тайёрланади. 2015–2020 йилларга келиб бу кўрсаткич 2–3 марта ошиши кузатилмоқда. Ҳозирги кунда ривожланган мамлакатларда киши бошига 145 кг, ривожланаётган мамлакатларда эса атига 23 кг минерал ўғит тўғри келмоқда.