1. Polimerlarning kristall holati. 2. Polimerlarning kristallanish darajasini aniqlash usullari. 3. Kristall polimerlarning xususiyatlari. •Polimerlarda tartibli, ya’ni kristallik strukturalarning hosil bo’lishi uchun ularning segmentlarida harakatchanlik juda yuqori bo’lishi kerak. Demak, makromolekulaning tuzilishi bilan uning kristallanishi orasida ma’lum bog’lanish borligini nazarda tutish kerak. Molekulasi chiziqsimon tuzilishga ega bo’lgan polimerlar yaxshi kristallana oladi. Agar makromolekulalar tarmoqlangan tuzilishga ega bo’lsa, ularning kristallanishi chegaralangan bo’ladi. Odatda yon guruhlar tobora ko’p tarmoqlangan sari polimerning kristallanish xususiyati sekin-asta kamayib boradi va nihoyat bu xususiyat butunlay yo’qoladi. Polimerlarning kristallanish xususiyati ularning stereokimyoviy tuzilishi bilan ham bog’langan bo’ladi.