Alyuminiy davriy sistemaning III guruhi bosh guruhchasida 13-tartib raqami bilan joylashgan. Alyuminiy tabiatda eng ko‘p tarqalgan metall bo‘lib, Yer qobig‘idagi massa ulushi 7,45% ni tashkil etadi. Alyuminiy elektrotermik usulda olinadi. Alyuminiy – kumushsimon oq rangli, qattiq metall. Alyuminiy yaxshi bolg‘alanadi, undan sim tortish oson, issiqlik va elektr tokini yaxshi o‘tkazadi. Alyuminiy va uning qotishmalari yengilligi va havo, namlik ta’siriga chidamli bo‘lganligi uchun xalq xo‘jaligida keng ishlatiladi.