Bizga ma’lumki, yuqori darajadagi dasturlash tillaridan birida yozilgan kod boshlang‘ich modul deb ataladi. Yuqori darajali dasturlash tillari jumlasiga Java ham kiradi. Boshlang‘ich kod birdaniga bajarilishi mumkin emas. Uni dastlab kompilyatsiya qilish kerak bo‘ladi, ya’ni mashina buyruqlari ketma ketligi — ob’ekt modulga o‘tkazish kerak. Ob’ekt modul ham hali birdaniga bajarilishga tayyor emas. Uni modulda ishlatilgan funksiyalar kutubxonasi bilan kompanovka qilish, ob’ekt modul seksiyalari orasidagi bog‘lanishlarni hal qilish va natijada yuklanuvchi modulni hosil qilish kerak bo‘ladi. Yuklanuvchi modul bajarilishga tayyor dastur hisoblanadi.