Hech qaysi mamlakat rivojiangan davlatlarning amaliyoti va nazariyasini o'rganmasdan, jahon hamjamiyatidan ayri holda rivojlanmaydi. Bu borada u yoki bu mamlakatdagi investitsiya muhiti muhim ahamiyat kasb etadi. Qayerdaki, qulay investitsiya muhiti mavjud bo'lsa, o'sha tomonga iqtisodiyotni harakatga keltiruvchi kuch — investitsiyalar oqimi tezlashadi. Mamlakatning zamonaviy iqtisodiy rivojlanish darajasi investitsiyaning faolligi sur'atlariga, bu esa, iqtisodiyot bir tekis o'sib borishi va taraqqiy etishini belgilovchi investitsiya muhitiga bog'liq. Investitsion faoliyat Prezident Islom Karimovning birinchi chaqiriq O'zbekiston Respublikasi Oliy Majlisining o'n to'rtinchi sessiyasida so'zlagan nutqida uqtirganidek, «...iqtisodiyotimizga xorijiy sarmoyani yanada kengroq jalb etish uchun, iqtisodiyotda tarkibiy o'zgarishlarni amalga oshirish, mulkni davlat tasarrufidan chiqarish va xususiylashtirish jarayonlarida, jahon bozorida raqobat qila oladigan mahsulot ishlab chiqarishni tashkil etishda xorijiy investorlar yanada faol ishtirok etishi uchun yaratilgan huquqiy va iqtisodiy shart-sharoitlarni takomillashtirish»ni taqozo etadi.