Innovatsion jarayonlar nazariyasi Reja: KIRISH I-BOB. Innovatsion jarayonlar nazariyasi. Innovatsiya va uning ta’lim jarayondagi ahamiyati.Innovatsiya faoliyatga asosiy tavsiflar.Innovatsion faoliyatni asosiy tamoyillari.II-BOB.Talab va taklif qonuni. 2.1 Talab va taklif miqdoriga ta’sir etuvchi omillar. 2.2 Talab miqdori va taklif miqdori o’rtasidagi nisbatning o’zgarishi.Bozor muvozanati. 2.3 Iste’molchi xatti-harakati nazariyasi. XULOSA FOYDALANILGAN ADABIYOTLAR. KIRISH Kurs ishini dolzarbligi. Mamlakatimizda iqtisodiyotni modernizatsiyalash jarayonlari davom etar ekan, uning barcha bo’g’inlarida albatta o’zgarishlar sodir bo’lishi va yangi iqtisodiyot barpo bo’lishi kerak. O’zbekiston Respublikasi Prezidenti I.A.Karimov o’z asarlarida iqtisodiyotni modernizatsiyalashni juda keng va atroflicha targ’ib etib, “iqtisodiyotimizda chuqur islohotlarni davom ettirish; yurtimizga zamonaviy texnologiyalarni olib kelib, ishlab chiqarishni yangilash va modernizatsiyalash jarayonlarini tezlashtirish siyosatini izchil amalga oshirish lozim”1, deb ta’kidlaydi. Respublikamiz Prezidenti ushbu fikrlaridan yaqqol ko’rinib turibdiki, mamlakatimizda amalga oshirilayotgan islohotlardan asosiy maqsad ishlab chiqarishni yangilash, modernizatsiyalash orqali butunlay “yangi iqtisodiyotni”, ya’ni eng zamonaviy raqobatbardosh iqtisodiyotni yaratishdan iboratdir. “Yangi iqtisodiyot” iborasini keng va turlicha talqin qilish mumkin. Xorijlik iqtisodchi olim R.Alkali o’zining “Yangi iqtisodiyot: genezis, evolyutsiya samara” nomli asarida: “...bu mehnat samaradorligining oshishiga ta’sir qiluvchi innovatsiyalar va biznes yuritishning yangi usullarini intensiv joriy qilish bilan bog’liq bo’lgan iqtisodiyotdir”2 deb hisoblaydi. Yuqoridagi olim ta’rifidan ham ko’rinib turibdiki, zamonaviy iqtisodiy rivojlanishning asosiy xususiyatlarini ishlab chiqarishni yangilash, modernizatsiyalash belgilab bermoqda. Buning natijasida: iqtisodiy faoliyatning global elektron muhiti shakllantirilmoqda; biznesni tashkil etishning yangi tarmoqli shakllari yaratilmoqda va masofaviy mehnat munosabatlari keng tarqalmoqda va boshqalar. Ushbu holatlarning barchasi bizning ham zamonaviy iqtisodiyotimizda amal qilib kelmoqda. Kurs ishini maqsadi:Iqtisodiyotni modernizatsiyalash sharoitida korxonalar faoliyatini boshqarishda innovatsion faoliyatni takomillashtirishga qaratilgan takliflar ishlab chiqishdan iborat. Kurs ishini vazifasi: Kurs ishini maqsadi kelib chiqib,quyidagi ilmiy vazifalar qo’yildi: korxonalar faoliyatini boshqarishda innovatsion faoliyatning mohiyatini ochib berish; - innovatsion jarayonning asosiy bosqichlari va uning menejmentini ko’rib chiqish; - korxonalarda innovatsion loyihalarni baholash tartibi va tanlash usullarini yoritib berish; - innovatsion texnologiyalarni qo’llash sharoitida korxonaning zamonaviy holatini tahlil qilish; - korxonalar faoliyatini boshqarishda innovatsion jarayonlarni takomillashtirish yo’llarini ishlab chiqish. I-BOB. Innovatsion jarayonlar nazariyasi. Innovatsiya va uning ta’lim jarayondagi ahamiyati. So'nggi yillarda pedagogika nazariyasiga boshqa sohalardan bir qator yangi tushunchalar kirib keldi. Bu esa pedagogikaning boshqa fanlar bilan aloqada ekanligidan dalolat beradi. Tushunchalarning aksariyati texnika va iqtisod sohalaridan kirib kelgan bo'lib, aynan shu sohalar insoniyat fikrining rivojlanishiga asos bo'lmoqda. Bugungi kunda ta'limning iqtisodiyligi va takomillashganligi, o'qituvchi va o'rgatuvchi texnika va texnologiyalar, ta'lim iqtisodi, o'qitishni kompyuterlashtirish haqida turli-tuman fikrlar bildirilmoqda. “Innovasiya – yangilik” so'zining qachon paydo bo'lganligi aniq bo'lmasada, bu tushuncha umumiy fanlarga, tabiiy fanlardan kirib kelganligi haqida fikrlar mavjud. Bunday yangiliklarning aksariyati qishloq ho'jaligi, ishlab chiqarish va tibbiyot sohalarida joriy etilardi. Pedagogik termin sifatida esa innovasiya tushunchasi, yangi tushunchalardan biri bo'lib, unga turli ta'riflar va fikrlar bildirilmoqda. Innovasiya jamiyat paydo bo'lishidan boshlab o'zgarib kelmoqda. Ba'zi pedagoglar innovasiya so'zini tor ma'noda ta'limni takomillashtirish, zamonaviylashtirish desa, boshqalari unga kengroq tushuncha bermoqda. Ta'lim sohasidagi ayrim yangi tushunchalarni, islohot, o'qitishni zamonaviylashtirish, takomillashtirish, optimallashtirish kabilar bilan almashtirmoqdalar. Innovasiyaga – yangilikka pedagogik tushuncha sifatida berilgan ta'riflarga to'xtalamiz.[1]