Ushbu maqolada simmetrik shifrlash algoritmlarining asosiy komponentlarini gibrid klassifikatsiyalash usullari asosida tahlil qilish masalalarini ko‘rib, tahlil qilib chiqdik. Tadqiqotimizda AES, DES va Blowfish algoritmlarining kriptografik komponentlari xavfsizlik darajasi, ishlash tezligi, entropiya ko‘rsatkichi hamda avalanche effect parametrlariga ko‘ra tasniflandi. Gibrid yondashuv sifatida Random Forest va Fuzzy Logic algoritmlarining integratsiyalashgan modeli taklif etildi. Olingan tajriba natijalari taklif etilgan model oddiy klassifikatsiya usullariga nisbatan yuqori aniqlik va samaradorlikka ega ekanligini ko‘rsatdi. Tadqiqot natijalari axborot xavfsizligi tizimlari hamda zamonaviy kriptografik modellarni optimallashtirishda muhim ahamiyat kasb etadi