Ushbu metodik qoʻllanma va test topshiriqlari majmuasi huquq fani oʻqituvchilarini attestatsiya imtihonlariga tizimli hamda maqsadli tayyorlash, ularning kasbiy bilim darajasini mustaqil baholashiga koʻmaklashish maqsadida ishlab chiqildi. Toʻplamni shakllantirishda Davlat taʼlim standartlari, amaldagi oʻquv dasturlari hamda pedagog kadrlar attestatsiyasining eng soʻnggi baholash mezonlari va talablari asos qilib olindi.Mazkur majmuadan oʻrin olgan 1000 ta test topshiriqlari huquq fanining barcha fundamental tarmoqlarini (Konstitutsiyaviy huquq, Fuqarolik huquqi, Mehnat huquqi, Jinoyat huquqi, Maʼmuriy huquq va b.) hamda xalqaro huquqiy normalarni qamrab olgan. Savollar oddiydan murakkabga yoʻnaltirilgan boʻlib, ularda faqat quruq faktlarni eslab qolish emas, balki huquqiy normalarni amaliy vaziyatlarda qoʻllash (keyslar bilan ishlash) va mantiqiy fikrlash darajasini tekshirishga alohida urgʻu berilgan.Mazkur nazorat-sinov materiallari toʻplami Respublika miqyosidagi huquq fani boʻyicha yetakchi ekspertlar, koʻp yillik tajribaga ega oliy toifali amaliyotchi oʻqituvchilar hamda pedagogik baholash metodikasi boʻyicha mutaxassislar guruhi tomonidan shakllantirilgan.