Respublikamizning maydoni katta hududlaridan biri Buxoro viloyati bo‘lib, u 1938-yil 15-yanvarda tashkil topgan. Maydoni 40,3 ming kv. km, O‘zbekiston hududining 9,0 foiziga teng bo‘lib, bu borada Qoraqalpog‘iston Respublikasi va Navoiy viloyatidan keyin 3-o‘rinda turadi. Odatda, maydoni katta viloyatlar tabiiy sharoiti xo‘jalik nuqtayi nazaridan noqulay tog‘ yoki cho‘llardan iborat bo‘ladi. Buxoro viloyati ham aynan tipik cho‘l mintaqasidir. Aholisi 1756,5 ming kishi yoki respublika aholisining 5,8 foizi shu hududda yashaydi.