Fan — inson va jamiyat taraqqiyotida katta ahamiyat kasb etadi. Uning yordamida kishilar voqelikdagi narsa va hodisalarning kelib chiqishi, rivojlanishi haqida xolisona ma’lumotlar to‘playdilar, o‘z ehtiyojlarini qondirish uchun moddiy va ma’naviy qadriyatlar yaratadilar. Shularning ichida eng qadimiysi falsafadir. “Falsafa” atamasi asli qadimgi yunon tilidan olingan “filio” (sevmoq) va “sofos” (donishmandlik) so‘zlarining birikuvidan iborat bo‘lib, unung lug‘aviy ma’nosi — “donishmandlikni sevish”, demakdir.