ANNOTATSIYA Kalit so‘zlar:Renessans, ilm-fan, uyg‘onish davri, falsafa, Sharq uyg‘onishi, Yevropa uyg‘onishi, ilmiy tafakkur, madaniyat. Mazkur ishda Birinchi va Ikkinchi Renessans davrlarida Yevropa hamda Sharq mamlakatlarida ilm-fanning rivojlanish bosqichlari, ularning o‘zaro ta’siri va insoniyat tafakkuriga ko‘rsatgan ta’siri yoritib beriladi. Birinchi Renessans davrida qadimgi yunon va rim madaniy merosining qayta kashf etilishi natijasida fan, san’at va falsafa sohalarida yuksalish kuzatilgan. Bu davrda Leonardo da Vinchi, Kopernik, Galileo Galiley, Alberti kabi allomalar ilmiy tafakkurni yangi bosqichga olib chiqqanlar. Ikkinchi Renessans esa, asosan, Sharqda – xususan, Movarounnahr va Xuroson hududlarida, Forobiy, Beruniy, Ibn Sino, Ulug‘bek, Navoiy kabi buyuk allomalar faoliyati bilan bog‘liq bo‘lib, bu davr ilm-fan taraqqiyotining eng yuqori cho‘qqilaridan biri sifatida tarixda muhim o‘rin egallaydi.