Кератитлар (keratitis) кўз касалликлари орасида 0,5% ни ташкил этадилар, лекин ўзидан кейин қолдирувчи хираланишлар сабабли кўришнинг ўта пасайишига олиб келувчи кўрлик ва кўриш сусталашув бўйича 20% ни ташкил этадилар. Кератитларнинг асосий белгиси – шох парданинг хар хил қисмларида яллиғланиш инфильтрати пайдо бўлишидир. Инфильтратлар турли шаклда, катталикда, чуқурликда, рангда бўлиши мумкин. Ҳар хил сезувчанлик ва васкуляризацияни учратиш мумкин. Кератитларнинг асосий белгиларига ёруғликдан қўрқиш, блефароспазм, ёш оқиши, кўзда ёт жисм ҳисси борлиги, оғриқ ва перикорнеал инъекция киради. Шох парда яллиғланиши унинг хираланишига олиб келиши сабабли кўришнинг турли даражада пасайиши кузатилади. Инфильтрат ранги унинг хужайра таркибига боғлиқ. Агар лейкоцитлар сони кам бўлса...