Оналар ва перинатал даври касалликлари ва ўлимини камайтириш мақсадида 1987 йилда ЖССТ, ЮНИСЕФ, ЮНФПА ва Жаҳон Банки Бехатар Оналик ташаббуси билан чиқдилар. Бехатар оналик фақат оналар касалликлари ва ўлимини олдини олишдан иборат бўлиб қолмасдан, балки она ва бола тўғрисида ғамхўрлик қилишни ҳам кўзда тутади. Тушунчага туғруққача, туғиш вақтида ва туққандан кейинги даврда аёлнинг жисмоний, ақлий ва ижтимоий фаровонлиги киради ҳамда улар эса соғлом бола туғилиши ва соғлом болаликни таъминлаши лозим.